Birthday Bash

Napakasaya ng mga nangyari nung kaarawan ko.

Nagkita-kita muna kami nung hapon sa FC waiting shed. Kasama sina Alai, Kat, Greggue, Treena, Tina, Loribelle, Frank, JE, Martin, at Dondon. At nang makumpleto na ay dumerecho na kami sa bahay namin. Pagdating sa bahay, andun na pala sina Troy at JM. Naunahan pa nila kami. Haha. Tapos kumain na kami. Habang kumakain, dumating na rin sina Karlo at Julian.

Pagkatapos kumain, nanood muna kami saglit, at nang hindi na masyadong busog, naglaro na kami ng Twister. Sobrang saya ng paglalaro namin. By batch yung ginawa namin, tapos alphabetical pa. Tapos ang pinakabenta talaga dun ay sina Martin at Alai. Yung laro talaga nila yung inabangan namin. Haha! At habang naglalaro, dumating na rin si Kylie.

Pagkatapos, nanuod na kami ng Banana Split. At ayun, tawa lang kami ng tawa. Tapos dumating na rin si Jansie. Pagkatapos manood, umalis na sina Troy at JM.

Tapos, pumunta na kami sa kwarto ko para mag-DVD marathon. American Pie yung pinanood namin. Haha! Pagkatapos manood, naginuman na kami. Galing pa kay Troy yung ininom namin. Sayang di na siya nakasama. Pagkatapos uminom, American Pie 2 naman ang pinanood namin. Tulog na pala yung iba habang nanood kami. Pagkatapos manood, mga 5:30 na ng umaga nun, ay natulog na rin kami.

Nagising ako ng mga 9 ng umaga. Pagtayo ko, natawa na lang ako sa mga naging pwesto ng pagtulog. Sa kama, sina Kat, Julian, at Karlo ay naghati sa 2/3 nung kama, samantalang si Alai ay sinolo yung 1/3. Hahaha! Tapos si Tina naman, sa may computer chair na natulog. Tapos kaming mga nasa sahig ay siksik na siksik. Si Jansie nasa may pintuan nakasandal. Si Martin sinolo yung mga pillows. Si Treena, Greggue, at Loribelle ay kumportable naman sa paghiga. Yung kalahati naman ng katawan nina JE at Dondon ay nasa ilalim na ng kama. At si Frank naman ay parang nakasiksik na lang sa isang maliit na space. At ako naman ay nasa gitna nina Martin, Treena, at Loribelle. Sobrang nakakatawa talaga yung mga posisyon namin. Hahaha!

Nang nakabangon na ang lahat, nagsimula nang maligo yung iba, habang yung iba naman ay kumakain na ng breakfast. Pagkatapos kumain, di pa rin tapos maligo ang lahat. Kaya nanood pa kami ng Ratatouille. Ay! Ito pa pala! Alam kasi naming matagal maligo si Martin. Kaya nung maliligo na siya, naisipan naming manood na nga nung movie. Tapos nung nangalahati na yung movie, saka lang natapos si Martin. Hahaha! Wala lang. Sobrang tagal lang niya talaga. Haha! Pagkatapos nung movie, natapos na rin lahat maligo. Nagayos na lang sila ng saglit at umalis na rin. Mga 3 na pala yun ng hapon.

Ayun, sobrang saya talaga nung 2 araw na iyon. Maraming maraming salamat talaga sa lahat ng bumati at pumunta. You really made my day. ^___^ Hindi ko talaga ito makakalimutan. Salamat ulit! ^___^

P.S.
Salamat nga pala Alai, Loribelle, at Troy sa mga regalo niyo! ^_^

A Day with Old Friends

Gusto ko lang ikuwento ung mga nangyari sa akin noong December 22-23, 2008.

Nagsimula ang lahat sa isang overnight sa bahay namin. Ang mga dapat pupunta ay sina Kylie, Jansie, Reyson, at Angel. Kaso hindi nakapunta sina Reyson at Angel, kaya tatlo lang kami. Nung una e akala ko ay hindi na tuloy. Hindi naman kasi sila nagrereply. Tapos nung pagabi na e bigla silang nagtext. Kaya natuloy rin. Hindi planado ang overnight na ito kaya hindi namin alam kung anong mga gagawin sa bahay. Kaya nag-DVD marathon na lang kami at konting kwentuhan. Konti lang ang mga napanuod namin. Aalis kasi si Kylie ng madaling araw. May lakad pa raw kasi siya kinabukasan. Mga 2AM na siya umalis at hinatid namin ni Jansie sa sakayan. Buti may mga jeep pa ng ganung oras. Paguwi namin sa bahay ay nanuod na lang kami ng TV hanggang sa makatulog kami.

Kinabukasan, gumising kami ng 8:30AM. Kumain at naligo na kami kasi pupunta pa kami sa SM Megamall at St. Francis Square. Nakipagkita kami kay Reyson sa MRT sa Cubao. Sabay-sabay na kaming pumunta sa Megamall. Pagdating dun ay pumunta muna kami sa St. Francis Square para bumili ng mga DVD. Pagkatapos nun ay pumunta na kami sa Megamall para kumain. Pagkatapos kumain ay lumibot na lang kami. Kung saan-saan kami pumupunta. May bibilhin kasi sila. Tapos nag-Timezone na rin kami. Nag-Dance Maniax kami ni Jansie. Pagkatapos nun ay nagbasketball naman kami. Tapos ay nakita namin si Reyson dun sa isang laro na maghuhulog ka ng mga piso hanggang malaglag ang mga iba pang piso na naipon na. Nakakaaliw ung laro kaya sumali kami ni Jansie. Ang tagal din naming andun. Nung simula kasi e walang nangyayari. Habang tumatagal ay nahuhulog na rin ung mga piso. Naka-21 na tickets ata kami. Pinapalit namin yung tickets ng tatlong keychain at tatlong HSM3 pocket calendar. Haha. Pagkatapos nun ay nagpapicture kami sa Van Gogh. At pagkatapos nun ay umuwi na kami.

Sobrang naenjoy ko ang araw na ito. Kahit pagod e masaya pa rin. Minsan na lang kasi kami magkita-kita. Sa uulitin. ^_^